標題:
神仙魚的食物
發問:
請問神仙魚係食咩價？ 我琴日買左三條有黑色斑紋 白色底既神仙魚番泥 個老闆娘話食魚糧都得 但係我試過餵魚糧 佢又唔食 餵急凍uv紅蟲 佢又唔食 錦我應該餵咩比佢食呢？ 更新: 回maggie_sher 我衣家只有一條三角仙肯食底果d靜左既魚糧炸播 錦點啊？ 更新 2: 回灝灝 我果三條三角仙同三條竹節鼠一齊養 三角仙都好驚竹節鼠 d竹節鼠好鬼惡 成日無端端走過去用個頭頂d三角仙 果三條竹節鼠一見倒有蟲 就即刻去食 d竹節鼠都搶鬼曬 三角仙跟本無得食 我真係覺得好奇怪 點解有網站話鼠魚可以同神仙魚混養 其中一條三角仙只係食底下比竹節鼠食靜既魚糧同uv蟲 其他兩條完全唔食 更新 3: 回灝灝 我唔係太識放上泥 真係好對唔住 果條竹節鼠係清道夫既一種 黑粉紅直相間 長條型 非常敏捷 可以跳出水 有幾條鬚係嘴邊 訓覺果時趴係缸底 佢地經常係缸底狂掃 看看有無食物靜番
最佳解答:
此文章來自奇摩知識+如有不便請留言告知
第一, 紅蟲、uv蟲、豐年蝦等活糧係一定會食~ 第二, 你隻魚糧肯定同上手養家所餵既有所不同, 否則係唔會唔食~ 新入缸既魚基本上要時間適應新水、新環境, 而你係尋日先買, 你慢慢等下啦, 如果約一星期後都唔食, 我諗一係有病,一係真係適應唔到你個缸~ 「食魚糧都得」, 大部分魚都食魚糧-,- 根本係正常人都識講~ 魚糧牌子咁多, 到底佢餵咩牌子, 係咪真係介紹佢餵開果隻比你都唔知, 唔同牌子佢又要適應, 同埋未必肯食新糧, 尢其係成年魚~ 養魚最緊要做足: 養水、對水 養水: 水喉水有氯氣,放水過夜就可以除氯氣 對水: 魚袋既水同缸中既水,水溫有差異, 將成袋魚放入缸30分鐘之以上, 咁就可以平衡返兩者水溫,令魚更快適應新水~ 你果隻應該係三角仙, 姐係身體類似三角形既神仙魚, 另有一種係叫七彩神仙, 顏色選擇較多既,價錢都較貴~ 我都有養你呢種三角仙, 我日日都餵紅蟲, 而且第一日開始都餵, 佢唔駛兩日就已經開口食lu, 你等多一日度啦, 佢應該會食野嫁啦, 唔駛怕~ 2008-12-14 16:55:45 補充： 你可唔可以比張竹節鼠既相我睇睇？？ 當然我有養神仙, 之前佢都係同花鼠、白鼠一齊養, 反而d鼠仲食得少過條仙~ 可能你果種唔係人地所講既鼠魚都唔定~ 2008-12-22 18:29:50 補充： 你最好隔開佢地先， 否則有機會搞出魚命～ 我就未見過有咁惡既鼠魚啦－－ 第一次聽鼠魚打架
其他解答:
食魚糧 老闆娘話食魚糧都得
留言列表
